تحدث علي ماهر، المدير الفني لمنتخب مصر، عن موقف محمد عبد المنعم من معسكر الفراعنة الحالي، مؤكدًا أهمية استمرار اللاعب مع المنتخب خلال الفترة المقبلة.
وقال علي ماهر، خلال المؤتمر الصحفي الخاص بمواجهة مالاوي: «محمد عبد المنعم لاعب جامد ومن أقوى المدافعين في العالم ومهم يكمل معانا في المعسكر، علشان يفهم طريقة لعبنا، ويشوف المحاضرات ويعرف إزاي بندافع».
وأضاف: «مش عارفين إيه المتغيرات اللي ممكن تحصل، وممكن يلحق الماتش التاني، وحتى لو ملحقش، مهم يكمل معانا في المعسكر».
ويستعد منتخب مصر لمواجهة مالاوي، مساء الجمعة، على استاد القاهرة الدولي، ضمن منافسات الجولة الثالثة من التصفيات المؤهلة لكأس أمم إفريقيا 2027.
